Ministria e Jashtme e Kinës komentoi të hënën mbi njoftimet e fundit të planit të qeverisë japoneze për lëshimin në det të ujit të ndotur që përmban substanca radioaktive nga centrali bërthamor Fukushima Daiichi.
“Aksidenti bërthamor i Fukushimës në Japoni ka shkaktuar lëshimin e materialeve radioaktive, të cilat kanë pasur një ndikim të thellë në mjedisin detar, sigurinë ushqimore dhe shëndetin e njeriut”, tha Zhao Lijian, zëdhënës i Ministrisë së Jashtme të Kinës në një konferencë të rregullt për shtyp.
Kina shpreson që qeveria japoneze mund të bëjë një vlerësim të thellë të ndikimit të mundshëm të planit për lëshimin e ujit të ndotur dhe të ofrojë informacion të shpejtë, të saktë dhe transparent, nënvizoi Zhao.
Gjatë konferencës për shtyp, Zhao nxiti palën japoneze të merrte vendime të kujdesshme bazuar në konsultime të plota me vendet fqinje.
Një vendim zyrtar me qeverinë japoneze pritet të merret brenda këtij muaji, sipas raporteve, duke i dhënë fund një debati shtatëvjeçar mbi mënyrën e hedhjes së ujit të përdorur për të ftohur termocentralin që u shkatërrua nga një cunam i madh në vitin 2011.
Sasia e ujit të ndotur që është planifikuar të derdhet në det është mbi një milion ton.
