Një ngjarje e pazakontë është regjistruar në një fis tribu në Uganda të Afrikës, ku një vajzë e vogël u tmerrua kur pa për herë të parë një njeri të bardhë.
Në një video që është bërë virale, vogëlushja e cila shoqërohet nga nëna e saj nis të qajë sapo shikon turistin, ndërsa thotë “Ai do më hajë eshte fantazëm”.
Ndërkohë, nëna e qetëson dhe i thotë: “Nuk të ha. Nëse të kafshon, do ta rrahim ne”.
Pavarësisht kësaj “garancie”, vajza heziton që t’i japë dorën njeriut të bardhë dhe vazhdon të qajë dhe të thotë “Ai do më hajë mua”, dhe ikën me vrap. Por, pas shumë përpjekjeve ajo dorëzohet dhe e prek turistin, me lotët që ende nuk i janë tharë.
