Aldi Mustafa, miku i ‘Rrumit të Shijakut’ dhe bashkëpunëtori i tij Klevis Kurdiu janë lënë në burg. Gjykata e Durrësit ka konfirmuar masën ‘arrest me burg’, ndërsa të dy u arrestuan teksa po planifikonin të kryenin një vrasje.
Mustafa nuk i është bindur policisë në momentin e arrestimit dhe kjo ka rënduar pozitat e tij gjatë vendimmarrjes në gjykatë. Nga burimet hetimore bëhet me dije se Aldi ishte duke përgatitur terrenin për të kryer një vrasje me armën që iu gjet gjatë kontrollit. Dyshohet se Aldo Mustafa ka qenë duke planifikuar një atentat për t’u hakmarrë lidhur me tritolin që i kishin vendosur në makinë në muajin prill. Para hetuesve, Aldi Mustafa nuk ka pranuar të japë deklarime.
Për arsye hetimore, ende nuk është dhënë asnjë e dhënë në lidhje me emrat e objektivave. Sa i takon atentatit ndaj Mustafës më 3 prill 2023, ngjarja është ende e pazbardhur.
