Të dy nuk janë më deputet pas dorëzimit të mandateve. Bëhet fjalë për Sali Berishën dhe Monika Kryemadhin të cilët që pas ditës së djeshme zgjodhën të qendrojnë jashtë Kuvendit.
Sot, me dy deklarata të ndryshme secili tha të njëjtën gjë për të njëjtin person. I pari ishte Berisha, i cili pas daljes nga një ekspozitë pikturash në kryeqytet ndaloi të flsite për mediat.
Berisha, si gjithnjë, edhe këtë herë u shpreh se nëse Rama nuk do ikë nga pushteti do të jetë populli ai që do e marri zvarrë.
Vetëm pak orë pas tij, kryetarja e LSI, e njohur tanimë për adhurimin ndaj doktorit dhe gjuhën thuajse njësoj të ashpër, u shpreh në të njëjtën formë e mënyr kur tha se nuk dorëzohet tek “djalli” (Rama), pasi do të jetë ai që i dorëzohet popullit ose do hiqet zvarrë.
Nuk është aspak çudi që kryetarja e LSI dhe kreu historik i PD të thonë të njëjtat fjalë kundrejt kundërshtarit politik, por kur kjo ndodh brenda pak orësh njëri pas tjetrit, me siguri që shkakton “dëm”.
Përgatiti: AlpeNews.al