Papa Françesku do të vizitojë Francën, njoftoi sot presidenti Emmanuel Macron.
Kreu i shtetit francez e ka ftuar Atin e Shenjtë gjatë një bisede telefonike pas zjarrit që preku Notre-Dame në Paris.
“Bisedova me papën në telefon. E ftova që të vijë, dhe ai do të vijë në çastin e duhur”, deklaroi nga Elizeja, Macron para rreth 300 zjarrfikësve që morrën pjesë në shpëtimin e katedrales gotike.
Emmanuel Macron zhvilloi të martën pasdite një bisedë telefonike me papën, një ditë pas zjarrit që shkatërroi Katedralen Notre-Dame.
