Në “Foltoren” e Sali Berishës personazhet epike me deklarata e tyre kanë qenë të shumtë dhe sigurisht nuk mund të zhgënjehet as takimi i radhës i zhvilluar dje në Kamëz. Një grua e cila i deklaronte Berishës se kur të vdiste ai çfarë do të bënte ajo dhe demokratë e tjerë ka shkaktuar të qeshura në sallë, por ka sjellë edhe ironinë e gazetarit dhe botuesi i gazetës “TemA” Mero Baze.
Gruaja edhe pse u prezantua si aktiviste e PD, gazetari Baze ka publikuar një urim për Partinë Socialiste dhe Edi Ramën për fitoren e 25 prillit. Baze me ironi shkruan se Rama po i çon tifozët e vetë tek ‘Foltorja’ e Berishës.
“Ky Rama më duket se po i çon tifozët e veta tek Doktori”, ironizon Baze teksa ndan shënimin e aktivistes.
Në ‘Foltoren’ e Kamzës, qytetarja Ira Kurti u shpreh se qytetarët nuk do të duhet të varen nga “kulti i individit”, duke parashikuar edhe ndërrimin e jetës së liderit historik të Partisë Demokratike.
PJESË NGA BISEDA:
Ira Kurti: Zoti Berisha a besoni ju tek kulti i invididit. Edhe ju një ditë do të ndërroni jetë…
Sali Berisha: Padiskutim!
Ira Kurti: Nuk iu them atë, edhe 100 u bëfshi. Po e kam fjalën ça do të bëjmë ne të shkretët këtu po të shkojmë vetëm pas 1-it dhe nuk ngrejmë një sistem në bazë parimesh.
