“Djalli ka vdekur”, me këtë mesazh, kundërshtarët në Iran po përhapin informacionin se personi që shumica dërrmuese e iranianëve e urrenin për vdekje nuk është më gjallë.
Po flasim për Asadollah Badfar, komandantin e organizatës paraushtarake të Gardës Revolucionare, Basij, dhe përgjegjës për dhjetëra mijëra vdekje dhe plagosje të bashkatdhetarëve të tij.
Badfar është ai që, me grusht të hekurt dhe indiferencë cinike ndaj jetës njerëzore, në thelb shtypi demonstratat anti-regjim janarin e kaluar. Badfar, kur ushtria iraniane preu të gjitha format e komunikimit satelitor dhe tokësor, urdhëroi grupin e armatosur të Basij të dilnin në rrugë, ku njerëzit po demonstronin kundër Ajatollah Ali Khameneit. Të armatosur me pushkë dhe thika, duke hipur në çifte mbi motoçikleta dhe duke lëvizur në grupe prej 10 motoçikletash, ata nuk hapën thjesht zjarr mbi turmën, ata shënjestruan gra dhe burra të rinj, të cilët ose u qëlluan me pushkë, duke synuar t’i dwmtonin gjymtyrwt ose t’i verbonin.Imazhet nga spitalet ishin tmerruese dhe mënyra tronditëse se si vepron Basij thjesht i shtohet krimeve të saj të panumërta.
Edhe pse konsiderohet e sigurt se Badfar, një nga mbështetësit më të vendosur të regjimit të Khameneit dhe Gardës Revolucionare, është i vdekur, ka konfuzion se si ai humbi jetën. Autoritetet iraniane njoftuan se ai u vra në bombardimet SHBA-Izrael të martën, ndërsa një video po qarkullon gjithashtu në X që dyshohet se tregon shtëpinë e Badfar, nga e cila ngrihet tym i zi.
Megjithatë, burimet izraelite dyshojnë se komandanti i Basij u vra në një bombardim, pasi u njoftua se funerali i tij, nga i cili ka edhe një pamje, me një foto të arkivolit të tij, u zhvillua të hënën, një ditë më parë… Badfar u vra. Çfarë mund të ketë ndodhur?
Të njëjtat burime theksojnë se ndërsa është e pamundur që Badfar të jetë gjallë, ka shumë mundësi që ai ta ketë provuar “ilaçin” e tij. Domethënë, ai u ekzekutua nga duart e shokëve të tij në Basij, ose në radhët e Gardës Revolucionare.
Prandaj, është e mundur që Badfar të ketë qenë midis dhjetë zyrtarëve të lartë të arrestuar të hënën me akuzën e spiunazhit dhe tradhtisë kundër Iranit. Me sa duket, të pandehurit u ekzekutuan në procedura të shkurtra, në të cilat Basij, anëtarët e të cilit janë përgjegjës për “ruajtjen e rendit”, janë “specializuar” për dekada.
Ata janë forcat që enden rrugëve dhe ndëshkojnë në vend gratë që tregojnë një fije floku nga hixhabi i tyre, ose burrat që ata gjykojnë se kishin fyer Ajatollah Khamenein. A ishte ky ndonjë akt hakmarrjeje nga dikush që po priste pas qoshes për Badfarin, apo thjesht ka konfuzion midis autoriteteve iraniane në lidhje me datat?
