Një tjetër ditë e zezë për Britaninë.
Gjatë 24 orët e fundit janë regjistruar 936 viktima si pasojë e koronavirusit, duke e çuar në 7095 numrin total të jetëve të humbura.
Në Angli ka humbur jetën 828 persona në spital, nga 22-103 vjeç. Në Skoci raportohen 77 viktima dhe 336 të infektuar në ditën e fundit. Shëndeti Publik në Uells raporton 284 raste të reja me covid dhe 33 viktima, ndërkohë që pesë të tjerë janë shënuar në Irlandën Veriore.
Numri i përgjithshëm i njerëzve që kanë rezultuar pozitiv me virus në të gjithë Mbretërinë e Bashkuar aktualisht shkon deri në më shumë se 55,000.
