DITA NDËRKOMBËTARE E HOLOKAUSTIT/ Në Prishtinë nderohet kujtimi i viktimave

 Në Prishtinë, përmes një marshi të organizuar u përkujtua Dita e Holokaustit dhe viktimat rome të kësaj ngjarjeje, që shënon ditën kur forcat sovjetike e çliruan kampin Aushvic-Birkenau në vitin 1945.Gjatë Luftës së Dytë Botërore, shumë shqiptarë në Kosovë e Shqipëri strehuan dhe mbrojtën hebrenj.

Denis Galushi organizator i marshit, tha se viktimat e komunitetit rom do të përkujtohen gjithmonë, jo vetëm si statistikë.

Familjet dhe besa shqiptare që shpëtuan hebrenjtë

Kryetari i Kuvendit të Kosovës, Kadri Veseli, është shprehur krenar për ndihmën që populli i Kosovës ia ka ofruar qindra familjeve hebreje në kohën e persekutimit.

“Në ditën e përkujtimit ndërkombëtar të Holokaustit, Kosova nderon kujtimin e miliona viktimave të ideologjisë naziste. Njëkohësisht kujtojmë burrat dhe gratë e kombit tonë që gjetën forcë e guxim për t’i mbrojtur qindra familje hebreje nga persekutimi nazist. Ne ndihemi krenarë që jemi pasardhës të këtyre heronjve të solidaritetit e shpresës njerëzore. Ne jemi krenarë me Ushtrinë Çlirimtare të Kosovës, e cila është lëvizja e fundit antifashiste në historinë evropiane të Shekullit XX”, tha Veseli.

Vlerësohet se afro 1.5 milionë hebrenj evropianë janë vrarë përgjatë Holokaustit, së bashku me 4.5 milionë hebrenj të tjerë, përfshirë meshkuj dhe gra.