Media ndërkombëtare BBC ka bërë një përmbledhje të ngjarjeve kryesore të ditës së sotme për sulmin e Rusisë në Ukrainë.
Ajo ka renditur 7 pikat kryesore mbi raportimet e ditës, që nga vendosja e sanksioneve të reja nga SHBA e Britania e Madhe për Rusinë, tek pushtimi i Çernobilit dhe bilancin e viktimave.
– Ministri i Shëndetësisë në Ukrainë, ka raportuar se nga luftimet e kryera janë vrarë 57 qytetarë ukrainas teksa kanë mbetur të plagosur mbi 160 të tjerë
– Organizata e Kombeve të Bashkuara thotë se mbi 100 mijë qytetarë janë evakuuar nga kryeqyteti i Ukrainës
– Ushtria ruse ka sulmuar portin e qytetit të Mariupolit, ku jetojnë mbi 500 mijë qytetarë
– Rusia merr nën kontroll Çernobilin, kompleksin e shpërthimit më të tmerrshmë bërthamor në histori
– SHBA dhe Britania e Madhe njoftuar vendosjen e sanksioneve të reja për Rusinë, duke përfshirë ngrirjen e aseteve të bankave
– Presidenti Vladimir Putin justifikon sulmin në Ukrainë: Nuk kishim zgjedhje tjetër për të mbrojtur Rusinë nga kërcënimi
– Presidenti Joe Biden deklaroi se veprimet e Rusisë do i kushtojnë rëndë: Putin kërkon të rikrijojë Bashkimin Sovjetik
