Kryeministri i Kosovës, Ramush Haradinaj, ka uruar pavarësinë e Shqipërisë. Me anë të një statusi në Facebook, numri 1 i qeverisë kosovare shkruan se 28 nëntori është një ditë e veçantë për mbarë kombin shqiptar.
Sipas tij kjo ditë e madhe koinçidon dhe me daljen në skenë të Ushtrisë nacional Çlirimtare të Kosovës dhe me ditëlindjen e komandantit legjendar Adem Jashari.
Ja postimi i Haradinajt:
Të nderuar bashkëkombas,
Sot, jemi NJË në zemër, ashtu siç ishim e do të jemi gjithmonë.
Dita e Flamurit, shënon rimëkëmbjen tonë, na kujton nepër shekuj se kush jemi dhe na mbanë bashkë si komb.
Në këtë ditë të veçantë, që koincidon me daljen në skenë të UÇK-së dhe ditëlindjen e Komandantit Legjendar Adem Jashari, kujtojmë sakrificën e shumë brezave dhe nderojmë veprën e të rënëve në kohë e përpjekje të ndryshme për liri, pavarësi e dinjitet kombëtar.
“28 Nëntori” i bekuar, është historia jonë e lavdishme dhe synimi ynë për të ardhmën e përbashkët në vlerën euro-atlantike.
Urime festa e përjetësuar ndër shqiptarë!
RH
