Ambasada e SHBA në Tiranë ka kujtuar sot Ditën Botërore të Lirisë së Shtypit duke e vënë theksin në lirinë dhe paanshmërinë e mediave.
Përmes një postimi në Facebook, Ambasada shkruan se “dita botërore e Lirisë së Shtypit 2020 përkrah veprime që nxisin gazetarinë e pavarur”.
POSTIMI I PLOTE
Dita Botërore e Lirisë së Shtypit 2020 përkrah veprime që nxisin gazetarinë e pavarur. Përse? Një shtyp i lirë dhe i paanshëm ngre pyetje dhe kërkon përgjigje në emër të shoqërisë. Media informon publikun dhe ndihmon në përhapjen e ideve, gjë e cila përmirëson qëndrueshmërinë sociale, politike dhe ekonomike.
