Sot zhvillohet procesi gjyqësor ndaj shtetasve Ismail Zemeli, Bujar Ajeti, Adrian Cenaj, Dedan Gjoni, Besmir Murati dhe Albert Prenga.
Në seancën e sotme është i pranishëm ishte vetëm Bujar Ajeti. Të pandehurit e tjerë përfaqësohen nga avokatët e tyre, pasi kanë shprehur vullnetin për të mos marrë pjesë në seancën e të hënës.
Avokati Maks Haxhia paraqet konkluzionet përfundimtare për Ismail Zenelit, në total 65 faqe. Zeneli akuzohet për trafik narkotikësh në kuadër të grupit të strukturuar kriminal, organizata kriminale, sigurim kushtesh për të kryer vrasje dhe organizata kriminale, në kuadër të grupit kriminal. Episodi i parë për trafik droge, në datë 5 janar 2021, sasia 446 kilogramë kokainë.
“Nuk ka prova konkrete, janë prova të tërthorta, prokuroria ka tentuar të lidhë biseda të zhvilluar në Sky Ecc me faktet që kanë ndodhur në Holandë. Pretendimi prokurorisë së Zeneli kishte porosit 10 kg kokainë, që u kap në Holandë, por nga komunikimet nuk përkojnë datat.
Biseda, nuk i përket ngarkesës së kapur në Holandë, por i përket një tjetër ngarkese, prokuroria bashkon dy ngjarje të ndryshme. Nuk ka asnjë provë, prokuroria mbështetet vetëm në thëniet e Ergys Dashit, që thotë se ju kam vënë edhe juve nga 10 copë. Nuk ka prova fizike dhe financiare. Mungon investimi i drejtpërdrejtë“, shprehet avokati Haxhia.
Avokati Haxhia kërkon që të rrëzohen pretendimet edhe për episodin tjetër të trafikut të drogës. Po ashtu mbrojta pretendon se për episodin e sigurimit te kushteve për te kryer vrasjen e dy vëllezërve Nela. Nuk ka grup kriminal se Zeneli, kërkon qe të mbledh informacion, por në asnjë moment ai nuk ka treguar qëllimin e tij. Të gjitha kërko veprime kanë ngelur në një platformë nuk ka pasur asnjë veprim konkret. Përfundimisht kërkojmë që Ismail Zeneli të deklarohet i pafajshëm për të gjitha akuzat në ngarkim të tij.
