Një ngjarje tronditëse u rregjistrua ditën e djeshme në fshatin Biubq, ku 51-vjeçarit, Artan Ismalaja vrau me thikë gruan e tij Klarita Ismalaja 45-vjeç dhe më pas u vetëplagos. Çifti dyshohet se ka pasur konflikte dhe shkaku i krimit në familje dyshohet të jetë tradhëtia. Artani me profesion kameraman, ka një dyqan në Tiranë përballë Fakultetit të Inxhinierisë së Ndërtimit. Prej vitesh çifti jetonte në Tiranë, prindër të dy fëmijëve.
Dinamika e ngjarjes:
Çifti ishte nisur drejt Krujës për shitjen e një shtëpije, gjatë një debati në makinë që ka pasur mes tyre dhe gjakënxehtësisë, ndodhi ngjarja e rëndë që tronditi opinionin publik. Gjatë debatit 51-vjeçari u fut makinën në një magazinë në Bubq duke ndjekur nga pas kamionin që hyn në këtë zonë. Më pas ky i fundit e ka goditur brenda në makinë me thikë bashkëshorten duke e lënë të vdekur në vend pas kësaj ai kaplagosur edhe veten. Artan Ismalaja pas shtrimit në spital ditën e sotme është arrestuar nga policia.
Shkaku që dyshohet të jetë bërë “merseleja” e krimit në familje.
Shkak i vrasjes të jenë bërë debatet e shpeshta mes çiftit, pasi Artan Ismalaja dyshonte se gruaja e tij e tradhtonte. Prej 3 muajsh çifti kishte pasur konflikte te vazhdueshme ku si motiv kishin dyshimet për tradhtinë bashkëshortore. Ka qenë roja i magazinës ku ndodhi ngjarja ai që ka njoftuar policinë pas skenës që pa brenda makinës. 51-vjeçari u transportua me urgjencë për në spital, ndërsa sot iu komunikua masa e arrestit.
Dëshmia e rojës
Roja nuk e dinte se 51-vjeçari Artan Ismalaja kishte qëlluar për vdekje me thikë bashkëshorten e tij. “Fillimisht mendova se ishin në momente intime, dhe u afrova për t’i larguar, por më pas pash viktimën të mbuluar me gjak, atëherë njoftova policinë”, është shprehur punonjësi i sigurisë në dëshminë e tij.
Ndërsa në këtë link mund të gjini të gjitha ngjarjet e ngjashme ku burri ka masakruar me thikë bashkëshorten dhe shkaku dyshohet tradhëtia. (KLIKO)
Alpenews.al
