Ato janë treguar të pamëshirshme dhe nuk kanë kursyer askënd, që nga Pamela Anderson në serialin “BayWatch”, Tyra Banks në “America’s Next Top Model” apo Madonna- n në gjithçka që ajo bën.
Bëhet fjalë për dy komedianet britanike Dawn French dhe Jennifer Saunders dhe seritë e tyre televizive të “French and Saunders”.
Në edicionin special të Krishtlindjeve “Karcrashians” nën shënjestër u vendos familja Kardashian.
60- vjeçarja Dawn French luajti rolin e Kim- it duke u munduar t’i përngjasonte me flokët e gjata, veshjen dhe të pasmet e mëdha.
Gjithë kësaj shtojini edhe konturimin e fytyrës, të pashpërndarë e të vizatuar mirë e mirë si dhe pozicionin “puthje” të buzëve.
Gjithsesi nuk është hera e parë që familja Kardashian ironizohet. Në 2011- n po në edicionin e Krishtlindjeve në “Absolutely famous” ndër të tjera u tha:
“Është një sëmundje e re e quajtur Kardashian, zemër. Po shpërndahet kudo! Po, njësoj si herpesi. Secila me ato reality- t e veta.”
Burimi: Daily Mail