Ambasadorja e Gjermanisë në vendin tonë Susanne Schütz tha se po ndjekin me përpikmëri situatën politike në vendin tonë. Nga Dibra, Susanne Schütz deklaroi se po ndjekin edhe atë se çfarë po bën qeveria.
“Kjo është qeveri e re dhe kjo qeveri ka shumicën në parlament dhe do të jetë në gjendje të bëjë shumë”, u shpreh ambasadorja gjermane.
Ndërsa ambasadorja e delegacionit të BE, Romana Vlahutin, nuk pranoi të komentojë situatën politike.
“Ketu jemi vetëm për Dibrën, kur të kthehemi në Tiranë do të flasim për situatën politike”, i tha gazetarëve Romana Vlahutin.