Misir e Nelson Hoxha, babë e bir, të cilët dhunuan dy përmbarues në Librazhd janë lënë në burg nga Prokuroria e Elbasanit.
Të premten e javës së kaluar, babë e bir dhunuan dy përmbaruesit, të cilët kishin shkuar të sekuestronin brenda ambienteve të resorit në pronësi të tyre, orenditë e tij, për shkak të një borxhi të vjetër që daton nga viti 2014. Sipas burimeve zyrtare, Arben Isufi i shoqërisë “Arbeni-Al” shpk kishte fituar të drejtën ligjore për pagimin e një borxhi rreth 100 mijë euro, me një vendim gjykate të vitit 2014. Për pagimin e borxhit ngarkohej shoqëria “Resort Ballkan” shpk, pronare e resortit të familjes Misir Hoxha me banim në qytetin e Elbasanit.
Për ekzekutimin e borxhit pas 10 vjetësh ishin pajtuar dy përmbarues, përkatësisht, Altin Latifi me Engjëll Muskaj që përfaqësojnë shoqërinë private “Enforcement Group” shpk me qendër në Fier.
