Dy persona kanë rënë në prangat e policisë ditën e sotme në Vlorë, të akuzuar se kanë dhunuar një person tjetër, me pretendimin se nuk i kishte larë borxhin.
Me një njoftim për mediat, policia bën me dije se në pranga kanë rënë S. K., 20 vjeç dhe A. M., 23 vjeç, banues në Vlorë, të cilët kanë dhunuar 27-vjeçarin me inicialet A. I..
Ata e kanë mbajtur atë për rreth 30 minuta në banesën e shtetasit S. K., me pretendimin se i kishte borxh shtetasit A. M., një sasi lekësh të cilën ende nuk ia kishte shlyer.
Materialet i kaluan Prokurorisë së Rrethit Gjyqësor Vlorë, për veprime të mëtejshme.
