Një punonjës policie është dhunuar nga disa persona këtë pasdite në një fshat të Kukësit. Bëhet me dije se Inspektori me inicialet Q.D ka njoftuar se në rrugën për në fshatin Pobreg, punonjësi i Policisë Rrugore të Kukësit është konfliktuar me disa persona për shkak të detyrës.
Ndërkohë nga veprimet e para është identifikuar njëri prej personave të përfshirë në debat. Mësohet se punonjësi i policisë është duke dhënë dëshminë e tij ndërsa grupi hetimor po punon për identifikimin e personave të tjerë dhe zbardhjen e plotë të ngjarjes.
Njoftimi i policisë:
Kukës/Informacion paraprak/ Rreth orës 17:00, Inspektor Q.D, punonjësi i Policisë Rrugore në DVP Kukës, ka njoftuar se në rrugën për në fshatin Pobreg, është konfliktuar fizikisht me disa persona për shkak të detyrës.
Punonjësi i Policisë aktualisht është duke dhënë kallëzim pranë Oficerit të Policisë Gjyqësore të Prokurorisë. Nga veprimet e para është identifikuar njëri prej personave që punonjësi i Policisë ka debatuar për shkak të detyrës ditë më parë.
