13:48/ Ka përfunduar takimi mes Ambasadorit të SHBA në Tiranë dhe Kryetares së Lëvizjes Socialiste për Integrim Monika Kryemadhi. Ky takim u kërkua nga ambasadori Lu.
12:37/ Pas takimit me Lulzim Bashën, ambasadori Donald Lu ka mbajtur një tjetër takim. Lu ka vajtur në selinë e LSI ku po zhvillon një takim me kryetaren e LSI Monika Kryemadhi.
Ky takim vjen në një kohë kur kanë kaluar dy ditë nga protesta e organizuar prej opozitës të hënën, në Kuvend dhe jashtë tij, kur u votua kryeprokurorja e re e përkohshme Arta Marku, vetëm me votat e shumicës parlamentare. Këtë opozita e quan një puç kushtetues.
Protestën që degjenroi në dhunë, ku u pa qartë që Kremadhi i gjuajti me çizme kryeministrit. Ambasada amerikane e dënoi dhe në deklaratën për media, ambasadori Lu shkruante:
Ambasada e Shteteve të Bashkuara dënon me forcë dhunën që ndodhi në protestën e sotme në Tiranë. Ne mbështesim të drejtën e qytetarëve për të protestuar paqësisht, por dëmtimi i pronës publike, hedhja e granatave tymuese në Parlament dhe dhuna nuk janë të pranueshme. Ne i bëjmë thirrje të gjitha partive që të tregojnë vetëpërmbajtje dhe të nxisin qetësi.
Populli shqiptar nuk duhet të habitet që politikanët e tyre po luftojnë njëri-tjetrin. Kjo do të thotë se reforma në drejtësi më në fund po zbatohet. Komisionet e Vetingut do të kenë së shpejti rezultatet e tyre të para. Prokurori i Përgjithshëm që refuzonte të ndiqte penalisht politikanë është i ikur. Së shpejti do të shohim krijimin e SPAK-ut dhe BKH-së, të cilat do hetojnë dhe ndjekin penalisht zyrtarë të korruptuar të nivelit të lartë. Qytetarët shqiptarë presin me padurim për drejtësi. Dhe politikanët kanë frikë.
Përgatiti: AlpeNews.al