Rastet e dhunës në familje godasin çdo ditë shoqërinë shqiptare. Më të rendat sigurisht që janë ato të lidhjeve familjare të afërta, në rastin konkret ato të dhunimit të nga ana e baballërëve ndaj fëmijëve.
I tillë ishte rasti sot ku një 24 vjeçare tregonte torturat që kishte kaluar nga i ati i saj gjatë fëmijërisë por jo vetëm.
Nga rripi i pantallonave, tek frika se babai ndodhej në shtëpi vajza dukej mjaft e prekur në rrëfimin e saj.
Kujtojmë se një ngjarje e rëndë ka ndodhur në Tiranë ku babai ka rrahur për vdekje vajzën 16 vjeçare, në gjendje të dehur.
Dridhesha kur babai hynte në shtëpi:
Dy ditë më parë 53 vjeçari nga Tirana rrëfeu 27 vite martese të dështuara dhe problemet që po has pas divorcit prej 7 vitesh. Por sot vajza e tij 24 vjeçare duket se hodhi poshtë pretendimet e tij duke bërë deklarata të renda e duke thënë se ka kaluar fëmijëri të vështirë, e sa herë që shihte të atij dridhej.
Më rrihte me rripin e pantallonave
Vajza: Unë e pranoj publikisht se ai është babi im, por ajo që ka ndodhur është e rëndë. Unë kam përjetimet e mija personale. Kam gjetur babain me hekur të nxehtë në dorë kur isha 11-vjecare. Kam shkuar në Komisariat që fëmijë dhe kam kërkuar ndihmë. Më thoshin kush është babai juaj ai fotografi dhe më pas nuk lëvizte askush. Me kalimin e vitive njeriu analizon dhe gjykon situatat. Të shohësh babin që vjen në shtëpi dhe të dridhesh kjo është e rëndë. Ne na ndan një mur, por nuk kemi marrëdhënie me babin për shkak të dhunës. Kemi pasur dhunë dhe kërcënime edhe pas ndarjes. Edhe pse kishim urdhër mbrojtje ne jemi cenuar. Ne i kemi shërbyer me bukë atij.
Babai rreh 16 vjeçaren për vdekje
Elidona Ibraj, 16 vjeçe ishte më e vogla e fëmijëve të familjes Ibraj, që mbeti viktimë e dhunës së babait të saj.
Ky i fundit duket se ishte bërë tmerri i familjarëve të tij, e megjithatë ata asnjëherë nuk kishin marrë guximin që ta denonconin.
Autori sillej dhunshëm gjithmonë në shtëpi.Ai nuk kishte punuar kurrë në jetën e tij, vetëm pinte dhe rrihte familjarët.
Babai vinte i dehur dhe na rrihte të gjithëve:
Një 44 vjeçar me origjinë nga Puka dhe banim në periferi të Durrësit u arrestua pas denoncimit të së bijës 12 vjeçe në polici. Vajza e vogël ka treguar se i ati i dhunonte në gjithë familjarët dhe se nuk donte që ai të kthehet në shtëpi.
Fran Gjergji, banues në Durrës, pasi pas një debati familjar në shtëpi, ka goditur me grushte vajzën e tij shtetasen R. Gjergji, e cila ka përfunduar në spital për mjekim.
Kjo e fundit e ka denoncuar rastin e dhunës në Polici, duke sqaruar se është dhunuar barbarisht nga babai i saj, i cili ishte kthyer në shtëpi në gjendje të dehur. Me të marrë dëshminë e të miturës në praninë e një psikologu, Policia ka vënë në pranga babanë dhunues, i cili akuzohet për veprën penale të “dhunës në familje”.
/AlpeNews.al
