Mbrëmjen e 19 nëntorit iu vendos eksploziv një pallati në ndërtim në Lezhë. Ngjarja sipas policisë ndodhi rreth orës 20:45 në rrugën e Shëngjinit.
Policia bëri të ditur se lënda shpërthyese i është vendosur objektit në pronësi të shtetasit L.Gj. duke shkaktuar vetëm dëme të vogla materiale.
Sipas ABC Neës, pronari i pallatit në ndërtim është Liman Gjoka, biznesmen nga Tirana. Policia njoftoi se ka shkuar menjëherë në vendngjarje për sqarimin e rrethanave, identifikimin dhe kapjen e autorit.
Pista e parë ku po hetohet është ndonjë konflikt i mundshëm i pronarit të objektit, ndërsa janë sekuestruar pamjet e kamerave të sigurisë së bizneseve pranë objektit në ndërtim që ishte shënjestër për të shkuar në gjurmët e autorëve.
