Janë identifikuar dy personat e plagosur në ngjarjen e rëndë të ndodhur në ambientet e Gjykatës së Apelit të Tiranës, ku humbi jetën gjyqtari Astrit Kalaja.
Burime bëjnë me dije se të plagosurit janë Ervis dhe Ragip Kurtaj, babë e bir, të cilët ndodhen aktualisht në Spitalin e Traumës duke marrë trajtim mjekësor.
Ngjarja tronditëse ndodhi pasditen e sotme, kur një person i armatosur është futur brenda në ambientet e gjykatës dhe ka qëlluar me armë në drejtim të gjyqtarit Kalaja.
Mësohet se gjyqtari Kalaja ishte në një gjyq për një çështje administrative, kundërshtim të veprimeve përmbarimore, ku autori i dyshuar dyshohet se është palë në çështje. Pasi u qëllua me armë, gjyqtari është dërguar drejt spitalit, por ka mbërritur pa shenja jete.
Autori i ngjarjes, Elvis Shkëmbi është vënë në pranga dhe është sekuestruar edhe arma e krimit.
