Një 14-vjeçare shqiptare ka humbur jetën në Piacenza pasi ka rënë nga kati i shtatë i një pallati. Vajza e vogël ka ndërruar jetë menjëherë.
Ajo ishtee me origjinë shqiptare, mesa duket ka rënë nga çatia e katit të shtatë, duke rënë në një tarracë të madhe tre kate më poshtë.
Media italiane “Rai news”, ka nxjerrë detajet e reja dhe njofton se është vënë nën hetim i dashuri I 13-vjeçares, I cili është një 15-vjeçar po ashtu me origjinë shqiptare.
Hetimi është për vrasje me dashje dhe në funksion të autopsisë, të planifikuar për të hënën në Prokurorinë për të Mitur të Bolonjës
Ditën e ngjarjes, adoleshenti u mbajt deri natën në rajon, ku u mor në pyetje nga hetuesit e njësisë hetimore të Piacenza-s të koordinuar nga kreu i prokurorisë së Piacenzës, Grazia Pradella, dhe nga një prokuror i prokurorisë për të miturit që mbërritën pasditen e djeshme nga Bolonja.
“Ne duhet të respektojmë dhimbjen e një familjeje që ka humbur një vajzë kaq të re”. Këto janë fjalët e avokatit që asiston nënën e vajzës. Detyra e autopsisë do t’i besohet mjekut mjekësor Giovanni Cecchetto.
Miqtë e saj pohojnë se kohëve të fundit, lidhja mes 13-vjeçares dhe 15-vjeçare nuk dukej në gjendje të mirë dhe se kishte planifikuar një udhëtim në Paris me nënën e saj.
Hetimet e Karabinierëve kanë për qëllim “qartësimin e dinamikës dhe lëvizjeve të të miturit në orët para rënies si dhe vlerësimin e përfshirjes së mundshme të bashkëmoshatarëve”.
