Nuk kanë të ndalur incidentet para finales së Conference League, pasi te rruga ‘Mustafa Matohiti’ në Tiranë, rreth 200 tifozë të Feynoord me shkopinj dhe gurë janë përleshur me policinë.
Përplasje ka patur te Kryeministria, Drejtoria e Policisë së Tiranës, mes rrugës ‘Myslym Shyri’ dhe zonës së ish-bllokut si dhe te Hotel ‘Hilton’, pranë ‘Pallatit me Shigjeta’ ku ndodhen të akamoduar lojtarët e Feynoord.
Të pajisur me gur dhe sende të forta në duart, tifozët tentuan të shkojnë drejt atyre të Romës, pranë stadiumit por u ndaluan nga policia. Deri në këto momente raportohet për dy punonjës policie të lënduar nga sendet e forta të huliganëve.
