I riu nga Dibra, Ulvi Skana, që rezulton i zhdukur që prej 17 majit, rezulton të jetë mik i Can Karriqit, i cili u ekzekutua me armë zjarri me silenciator.
Karriqi u gjet i pajetë brenda makinës me targa të huaja. në Kodër Kamëz më 23 dhjetor të vitit të kaluar.
Pas vrasjes, u gjet një makinë e djegur tip “Audi” në Institut, që dyshohet të jetë përdorur nga autorët.
Viktima, i cili është qëlluar me 4 plumba, ishte shok i ngushtë me Erigers Mihasin dhe Armand Dumanin, të cilët u vranë më 13 nëntor të 2021 me breshëri kallashnikovi brenda një makine Audi të bardhë në Astir. Nuk dihet nëse zhdukja e të riut ka lidhje apo jo me vrasjen e Karriqit. Sipas babait të të riut të zhdukur, ata jetojnë shumë afër banesës së Karriqit.