Detaje tronditëse janë bërë me dije nga ngjarja e rëndë e ndodhur pak javë më parë në Arapaj të Durrësit ku një 8-vjeçare u detyrua nga një grup djemsh adoleshentë të moshës 16 vjeç të kryente me ta marrëdhënie kundër dëshirës së saj.
Ngjarja ka lënë pa fjalë çdo shqiptar dhe vjen pak kohë pas një ngjarje tjetër të rëndë të ngjashme.
Sipas burimeve, djemtë e moshës 15, 16, 17 vjeç dhe vajza, janë banorë të zonës Arapaj.
Mësohet se ngjarja ka ndodhur në katin e 4-t të shkollës 9-vjeçare “Myslim Hida”.
Një 16-vjeçar është vënë në pranga në lidhje me këtë ngjarje pasi dyshohet se ka qenë ai që e ka çuar të miturën në katin e sipërm të shkollës ku dhe e ka lidhur e më pas ka thërritur grupin e djemve.
Gjithçka ka ndodhur pasi ka përfunduar mësimi dhe mësuesit kanë qenë duke plotësuar regjistrat mësimorë.
