Është rithyer në vëmendje të publikut ngjarja e rëndë e ndodhur në Greqi, ku një pilot 33-vjeçar vrau gruan e tij teksa po flinte.
Babis Anagnostopoulos, 33 vjeç do të dalë para një gjykate të Athinës të premten, ndërsa përveç akuzës për vrasjen e gruas së tij, tani mbi të rëndon dhe vrasja e qenit të saj.
Sipas autoriteteve greke, 33-vjeçari e mbyti qenin e Caroline Crouch, për ta bërë ngjarjen të dukej si një vrasje nga hajdutë, që kishin hyrë në shtëpi me dhunë dhe armë. Ai e mbyti qenin dhe trupin e vari me një zinxhir në sallonin e shtëpisë.
Ngjarja shokoi opinionin publik para disa kohësh në Greqi, ndërsa siç raportohet vrasja ishte shkak i një krimi pasioni. Prej kohësh çifti po kalonte disa probleme, dhe e reja britanike e kishte kërcënuar se do divorcohej, për këtë arsye piloti zgjodhi ta vriste. Ata kishin bashkë dhe një vajzë 11-muajshe.
Trupi i Caroline u zbulua pranë foshnjës së saj, ndërsa busti i varur i Roxy-t ishte gjëja e parë që tmerroi oficerët e policisë kur ata hynë në shtëpi pasi Anagnostopoulos i lajmëroi ata, duke pretenduar se hajdutët me armë në dorë e kishin kërcënuar dhe i kishin vrarë gruan.
Babis Anagnostopoulos rrezikon dënimin maksimal, që mund ta detyrojë atë të kalojë pjesën e mbetur të jetës në burg.
