Olesia Duka, 38 vjeç, stomatologe e njohur në Tiranë, por edhe në fushën e bamirësisë, është arrestuar nga policia me vendim gjykate. Masa e sigurisë u shpall pas dyshimeve se, përmes mashtrimit, stomatologja i ka marrë një biznesmeni shumën prej 900 mijë eurosh.
Çfarë ndodhi: Ajo u kap në Tiranë, pas masës së arrestit në mungesë të dhënë nga Gjykata e Durrësit, me kërkesë të Prokurorisë.
Stomatologia u denoncua në polici në 27 Janar nga biznesmeni me inicialet I.H, i cili pretendonte se ajo i kishte zhvatur paratë nëpërmjet mashtrimit.
Sipas tij, dentistja i kishte thënë se kërkonte të blinte pajisje për disa nga klinikat e saj dentare në kryeqytet.
Pre e këtij mashtrimi sipas hetuesve dyshohet të kenë rënë përgjatë viteve edhe persona te tjerë.
Çfarë iu gjet: Prokuroria ka vendosur sekuestro ne 4 apartamente te 38 -vjeçares në Tiranë dhe 1 në Durrës. Vlera e tyre përllogaritet në 300 mijë euro.
Gjatë kontrolleve të ushtruara në këto banesa, policia gjeti disa blloqe ku stomatologia mbante shënim borxhet e marra. Po ashtu u sekuestrua edhe 1.5 kilogram kanabis, që ajo më vonë tha se e kishte për perdorim vetjak.
Sot: Zbardhet skema se si i mashtronte biznesmenët, stomatologia nga Tirana Olesia Duka. 38-vjeçarja krijonte marrëdhënie të afërta me biznesmenët dhe më pas u kërkonte atyre që të këmbente lekët në euro.
Pikërisht duke bërë këmbimin e parave nga lek në euro, Olesia Duka ka mashtruar biznesmenët pasi u jepte më pak lek, në krahasim me eurot që u jepnin ata. Mes personave të mashtruar është edhe Idlir Hoxha, i cili kishte një agjenci udhëtimi si dhe një pikë për këmbimin e parave në Durrës dhe i kishte dhënë 38-vjeçares rreth 900 mijë euro.
Biznesmeni
Shtetasja e dyshuar Olesia Duka me banim në Tiranë dhe administratore e një subjekti tregtar në fushën e stomatologjisë i është prezantuar shtetasit të dëmtuarit si mjeke e cila kishte në pronësi disa klinika dentare dhe konkretisht tetë klinika nga të cilat grumbullonte të ardhura të shumta në Lek dhe i duhej valutë në Euro me qëllim blerjen e materialeve të shtrenjta për këtë fushë.
Aktiviteti i kryer midis të dëmtuarit dhe të dyshuarit ka konsiston ne këmbimin e parave midis tyre dhe gjatë një periudhe relativisht të shkurtër janëkrijuar diferenca të qëllimshme nga ana e autorit të veprës penale, ku fillimisht në ditët e para të aktivitetit ka sjellë para në Lekë dhe ka marrëkundërvleftën në Euro në mënyrë të përpiktë dhe më pas nisur nga besimi i krijuar nga ana e të dëmtuarit ajo ka sjellë Lekë më pak sesa Eurot që kërkonte e që merrte duke krijuar kështu për një periudhë rreth dy mujore një diferencë shumë të lartë”, thuhet në dokumentin e Prokurorisë, i cili shpjegon skemën e mashtrimit.
Pavarësisht se i mashtronte Olesia Duka u thoshte biznesmenëve se do t’jua kthente pas paratë pasi xhironte shuma të mëdhas në 8 klinikat e saj. Prokuroria thotë se biznesmenët mashtroheshin pasi 38-vjeçarja u tregonte disa reklamime në media që ai kishte bërë, por edhe fushata bamirësie ku ajo kishte marrë pjesë.
Ndërkohë pas biznesmenit Idlir Hoxha, 6 persona të tjerë kanë denoncuar stomatologen Olesia Duka për mashtrime. Burimet thanë nga Policia e Tiranës thanë se ditën e sotme janë paraqitur disa persona të tjerë, mes tyre edhe biznesmeni me incialet R.ZH.
Ai ka denoncuar se Olesia Duka i ka marrë 30 mijë euro dhe nuk ja ka kthyer. Denoncimet janë bërë pranë krimit ekonomik në Tiranë dhe pritet t’i bashkohen hetimeve që po kryen Prokuroria e Durrësit. Olesia Duka akuzohet për mashtrim ndaj disa personave.
Jeta mes luksit e Olesias:
/AlpeNews.al/
