Të shtëna me armë zjarri janë dëgjuar ditën e sotme në qytetin e Shkodrës, ndërsa një person ka mbetur i plagosur.
I dëmtuar ka mbetur shtetasi Jaser Osmani pas një konflikti të çastit duke u plagosur në kofshë me armë zjarri pistoletë.Raportohet se ngjarja ka ndodhur në lagjen “Salo Halili”, ndërsa policia ka mbërritur në vendngjarje.
Njoftimi i policisë:
Shkodër/Informacion paraprak
Rreth orës 16:00, në lagjen Salo Halili, dyshohet se gjatë një konflikti të çastit është plagosur në kofshë me armë zjarri pistoletë shtetasi J. O., 24 vjeç, i cili po merr ndihmë mjekësore në Spitalin Rajonal të Shkodrës dhe ndodhet jashtë rrezikut për jetën.
Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit.
Grupi hetimor në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit.
