Një avion i vogël privat ka kryer ulje të detyruar në livadhet e Kelmendit në veri të vendit, për shkak të një defekti.
Gjatë fluturimit, avioni me dy persona në bord ka pësuar një defekt, ndërsa gjatë uljes janë dëmtuar dhe sistemet e rrotave dhe frenave, por fatmirësisht pasagjerët nuk janë lënduar. Mjeti i vogël fluturues është ulur në zonën e Bjeshkëve, në lartësinë mbi 1100 metra në nivelin e detit.
Në avion ndodheshin dy persona, piloti dhe pasagjeri. Në vendngjarje ka shkuar një fuoristradë pas uljes dhe i ka larguar nga vendngjarja. Nuk dihet ende identiteti i tyre dhe shtetësia.
Ky është incidenti i dytë që ndodh brenda pak ditësh në Shqipëri, pasi pak ditë më parë një tjetër avion i vogël pati probleme gjatë uljes në Rinas.
