Skema e përdorur nga autorët është e ngjashme në të dy atentatet, vëzhgim i objektivit, ndjekje me makinë dhe finalizimi i atentatit në një zonë ku nuk ka kamera sigurie.
Si në atentatin sot, po ashtu edhe në atë te mbikalimi në Fushë-Krujë atentatet u kryen në një zonë ku nuk ka biznese dhe kamera sigurie afër, në një aks rrugor ku mund të kryenin të qetë vrasjet dhe ku kanë mundësi të largohen pa u filmuar nga kamerat e sigurisë.
Në të dy atentatet është përdorur pothuajse e njëjta skemë nga autorët, vëzhgim prej ditësh i lëvizjeve të viktimave dhe më pas ditën e ekzekutimit ndjekje e objektivit me makinë dhe gjuajtje me breshëri plumbash në lëvizje paralel me makinat e viktimave, më pas ndalimi dhe gjuajtje prapë me armë drejt makinës së objektivit deri në sigurimin se atentati u krye me sukses.
Precizoni i autorëve në të dy atentatet është shumë i lartë, pasi në dy rastet është qëlluar me breshëri plumbash dhe saktësia në qitje ka qenë shumë e lartë, ku ka dyshime të forta se atentatet në të dyja rastet janë kryer nga vrasës me pagesë.
Në të dyja atentatet pas ngjarjes, u gjet automjeti i djegur i autorëve dhe armët më të cilët realizuan atentatet. Për të dyja atentatet pista kryesore e hetimeve është larja e hesapeve dhe hakmarrja.
