Tre persona të së njëjtës familje mbetën të plagosur gjatë një feste në kryeqytet, e cila mund të kthehej në një tragjedi fatkeqe. Policia bën të ditur se tre të plagosurit janë motra e vëllezër, të cilët së bashku me të tjerë miq e familjarë, ishin mbledhur për të festuar në një lokal në “Rrugën e Kavajës”.
Një nga të pranishmit mbante me vete një armë zjarri pa leje, e cila u shkrep në mënyrë të pavullnetshme.
Të plagosurit u paraqitën në një spital privat për ndihmë mjekësore, teksa fatmirësisht gjendja e tyre shëndetësore është jashtë rrezikut për jetën.
