DETAJET/ 56-vjeçarja rrahu të dashurin për 1 mln lekë borxh, i biri e dogji të gjallë në Kodër-Shupal

Marjeta Karaj, 56-vjeçarja dyshohet se kishte lidhje intime me Menduh Shaban Kurt-Dedën, 61-vjeçarin që e ekzekutoi 5 vite më parë në bashkëpunim me djalin e saj dhe shokun e këtij të fundit. Shkak është bërë një borxh me vlerë 1 milionë lekë të reja.
Mësohet se 56-vjeçarja është drejtoreshë e qendrës “Ndihmë dhe kujdes për fëmijët jetimë të ushtarakëve, brenda dhe jashtë vendit”. Po ashtu mësohet se viktima ishte pjesë e kësaj qendre, ndërkohë që burime policore pohojnë se 61-vjeçari kishte lidhje intime me Karajn. Por gjithçka mes tyre është prishur për shkak të një borxhi prej 1 milion lekësh, të cilin Kurt-Deda nuk ishte mundur ta shlyente. Për këtë arsye ai fshihej nga autorët prej kohësh, por një ditë ata arritën ta lokalizonin, dhe pasi e morën me forcë në makinë e tyre, kanë shkuar në zonën e Alliasit, ku kanë ushtruar dhunë ndaj tij.