Situata në Spitalin Infektiv prej disa ditësh është përkeqësuar, kjo dhe për shkak se aty veç pacientëve të infektuar me Covid-19 është shtuar dhe numri i personelit mjekësor të infektuar.
Pasditen e sotme mësohet se një tjetër mjek nga Puka është shtruar në Spitalin Infektiv, i infektuar me koronavirus, në gjendje të rëndë shëndetësore. Deri tani nuk dihet nëse mjeku ka qenë i shtruar në Infektiv dhe gjendja e tij është rënduar apo është transferuar sot në ambientet e këtij spitali.
Kujtojmë se, pak ditë më parë ndërroi jetë në spitalin Infektiv mjeku Arjan Pushi, i infektuar me Covid-19. Pushi ishte personi i parë që ndërroi jetë nga radhët e mantelbardhëve, i prekur nga infeksioni i Covid-19.
