Zbardhen te tjera detaje nga sherri me arme ne lokalin me muzike live ne Korce. Policia ben me dije sot se ka arrestuar një tjeter shtetas dhe ka shpallur në kërkim një tjetër.
“Ne pranga u vu G.T, 17 vjeç, banues në Korçë dhe u shpall ne kerkim A.S, 28 vjeç, të dy bashkëpunëtorë të dyshuar, si të implikuar në ngjarjen e ndodhur më datë 25.11.2017, në një lokal me muzikë live”- thote policia.
Sipas policise dyshohet se të dy këta shtetas në bashkëpunim mes shtetasit A.Qiraxhi dhe A.Babani, banues në Korçë, më datë 25.11.2017, për motive të dobëta, kanë tentuar të vrasin, me armë zjarri dhe me sende të forta shtetasit A.L dhe A.K, të dy banues në Korçë.
Ngjarja
Një ngjarje e rëndë është regjistruar rreth mesnate në një lokal tallavaje në dalje të qytetit të Korçës. Disa të rinj kanë qëlluar me breshëri nga rruga në drejtim të lokalit, ndërsa më tej kanë tentuar të vrasin pronarin dhe administratorin me mjete të mprehta.
Këta të fundit i kishin nxjerrë një javë më parë jashtë pasi të rinjtë ishin në gjendje të dehur. Ngjarja ndodhi mbrëmjen e së shtunës në kilometrin e parë të aksit Korçë-Kapshticë, ku sipas të dhënave, dy automjete janë pozicionuar para lokalit dhe me breshëri kanë qëlluar në drejtim të tij.
Më tej kanë hyrë brenda ambienteve të lokalit tallava dhe me thikë kanë plagosur në pjesën e krahut njërin nga administratorët. Gjithashtu, kanë tentuar të vrasin me armë zjarri pronarin e lokalit.
Pas sinjalizimit të dhënë, Policia ka mbërritur në vendin e ngjarjes dhe gjatë hetimeve për rastin, janë zbuluar njëra pas tjetrës vepra penale të tyre, ku ishte i përfshirë edhe babai i njërit prej autorëve të dyshuar të ngjarjes.
Sipas të dhënave zyrtare nga blutë, janë identifikuar dhe shpallur në kërkim dy autorët e dyshuar të ngjarjes, ndërsa ka përfunduar në pranga babai i njërit prej tyre, pasi në lokalin në pronësi të tij kishte kryer lidhje të paligjshme të energjisë elektrike, si edhe posedonte lëndë të dyshuar cannabis sativa dhe municione.
Policia ka bërë me dije se shtetasit A.Qiraxhi, 23 vjeç dhe shtetasi A.Babani, 18 vjeç, së bashku me disa shtetas të tjerë bashkëpunëtorë të dyshuar të tyre, janë pozicionuar me dy automjete përpara lokalit dhe kanë goditur me dy armë zjarri tip kallashnikov dhe pistoletë në drejtim të këtij të fundit.
Këta shtetas, më pas, kanë hyrë në lokal dhe kanë goditur me mjet të mprehtë shtetasin A.K., dhe kanë tentuar të vrasin me armë zjarri shtetasin A.L. (pronari dhe administratori i lokalit). Shtetasi A.K. ka marrë mjekim në Spitalin e Korçës dhe nuk ka probleme për jetën.
Policia e Korçës më tej, gjatë krehjes së zonës në afërsi të fshatit Lubonjë, ka gjetur të braktisura të dyja automjetet, një tip “BMW” me targa AA 848 FG, brenda të cilit u gjetën shkopinj druri, një sëpatë dhe dy gjerdanë me fishekë, dhe mjeti tip “BMW” me targa AA 267 ND, të cilat ishin përdorur nga autorët.
