Pas rreth 30 minutash që oficerët e policisë gjyqësore vijonin kontrollin në banesën e ish-ministrit të Brendshëm tek Kodra e Diellit në kërkim të provave kompromentuese, Saimir Tahiri i ka lënë vetëm brenda me avokatin e tij Maks Haxhia dhe është shfaqur pas hekurave të ballkonit të katit të katërt, ndoshta duke pirë një cigare. Pas autorizimit nga parlamenti një ditë më parë, oficerët e policisë gjyqësore janë ngjitur në shtëpinë e Tahirit për të bërë kontrollin në kërkim të provave që e lidhin atë me trafikun e drogës.
