Mendoni se të gjithë duan bregdetin për pushime? Epo në fakt nuk është kështu.
Edhe pse jemi në një sezon me temperature shumë të larta dhe me një dëshirë të “zjarrtë” të njerëzve për të bërë palzh, ka edhe nga ata që zgjedhin diçka ndryshe.
Ura e Mesit në Shkodër është një atraksion turistik, që ka tërhequr një pjesë të mirë të turistëve.
Arkitetura dhe historia e saj e krijimit iu jep njerëzve dëshirën për ta vizituar ketë vend dhe pse jo edhe për të bërë foto fantastike.
PAK PËR URËN E MESIT:
Ura e Mesit, ndodhet 8 km larg qytetit të Shkodës mbi lumin Kyr, është një monument kulture me vlera të mëdha dhe simbol i qytetërimit të lashtë.
Sot ura ka 13 harqe. Më i madhi në qendër, ka një pasqyrë prej 21.5 m, i mbajtur nga brinjë dyfishe me gjërësi 1,08 m. Vlerat e kësaj ure shtohen dhe nga terreni piktoresk pranë saj me shkëmbinj dhe ujin e pastër e të ftohtë të lumit Kir.
/AlpeNews.al
