Destinacioni i ditës së sotme perzgjedhur nga AlpeNews.al është plazhi i Livadhit.
Nëse jeni duke vizituar Himarën, atëherë nuk duhet të humbisni plazhin e Livadhit, i cili është vetëm disa minuta me makinë larg.
Plazhi i Livadhit është jo shumë i zbuluar dhe kjo është një nga arsyet që tërheq edhe turistë e huaj, pasi qetësia dhe relaksi që ai të ofron përbëjnë një nga kriteret që kanë pushuesit në përzgjedhjen e distinacioneve turistike.
Vendi është i përshtatshëm për tu larë në thellësi dhe për hedhje nga shkëmbinjtë. Në Livadh ka një larmishmëri lokalesh, restorantesh, hotele dhe kafe bare për argëtim. Për të arritur në plazhin e Livadhit, mund të përdoret rruga prej asfalti ose rrugicat e vjetra për të lagjes.
Vizitohet nga turistë vendas por edhe të huaj të cilët magjepsen nga ky plazh për shkak të ujit të pastër dhe mundësisë që plazhi të jep për të eksporuar natyrën përreth. Ky ka një shtrirje rreth 1.2 kilometra dhe gjerësi 100 metra, me rërë të të pastër dhe të mineralizuar.
Plazhi i Livadhit është i ndarë në dy pjesë. Nga ana veriore është plazhi Gonia, i famshëm edhe për dy gurët prej mermeri që ndodhen mbi plazh si dhe Plazhin Apelistra në pjesën jugore gjithashtu i famshëm për shkëmbin me të njëjtin emër.
Gjate rrugës për në Livadh, pushuesi mund të vëzhgojë kanionin e Vishës, burimet e ndërtuara të Ujit dhe disa kisha mesjetare ortodokse. Gjithashtu në veri të Livadhit ndodhet edhe një plazh i vogël i fshehtë që e thërrasin plazhi Fusa. Ky plazh, nuk vëzhgohet nga asnjë pikë tjetër, përveç nga afër ose nga deti me një mjet lundruese. Më tepër ky është një plazh aventurierësh të detit./ Reth e rrotull Shqipërisë.