Destinacioni i ditës së sotme perzgjedhur nga AlpeNews.al është Liqeni i Komanit.
Liqeni i Komanit është kthyer tashmë në një destinacion turistik për vizitorë vendas dhe të huaj.I ndërtuar fillimisht si liqen artificial për furnizimin me ujë të hidrocentralit të Komanit, ai në vitin 2000 filloi të përdorej edhe për udhëtime ujore nga njëri vend në tjetrin.Më vonë, liqeni i Komanit ka filluar të nxisë edhe kureshtjen e vizitorëve turistik vendas e të huaj, pikërisht për faktin e bukurive natyrore dhe monumenteve të natyrës e historisë që gjenden në shtrirjen e brigjeve të tij.
Liqeni i Komanit është një ndër vendet më të bukura dhe që më së shumti i’a vlen të vizitohen në Shqipëri, për ujërat dhe natyrën e veçantë.
Udhëtimi me traget apo me ndonjë barkë më të vogël ofron kënaqësi të pa përshkruar, ndërsa atraksion në vete janë fshatrat e kësaj zone dhe grykat e disa lumenjve që derdhen në liqen.
Lëvizjet turistike nëpër ujërat e Liqenit të Komanit vazhdojnë përgjatë gjithë vitit, por sezoni i vërtetë turistik fillon nga maji deri në shtator, periudhë kur edhe klima është e përshtatshme. Për eksploratorët e natyrës dhe të historisë së zonës, të kulturës dhe të zakoneve, shfrytëzohen për fjetje e strehim bujtinat e rralla të fshatrave buzë liqenit.
Një destinacion me vlera të mëdha natyrore nuk duhet lënë pa u vizituar këtë sezon turistik, pasi gjithçka argëtuese që do kaloni aty dhe shijimi i bukurisë përrallëeore të Liqenit të Komanit me varkë do ju ngelet gjatë në memore dhe do ju shtyjë që ta vizitoni prapë këtë vënd unikal./ Rreth e rrotull Shqipërisë.