Destinacioni i ditës së sotme perzgjedhur nga AlpeNews.al është fshati turistik i Bënjës në Përmet.
Bënja është një fshat i vogël turistik i Përmetit, në lagjen e poshtme të tijë ndodhet përroi i cili kalon nëpër një rrugë të ngushtë dhe derdhet në lumin e Langaricës.
Rruga që çon në fshat e kalon përroin me një urë guri të vogël. Një fshat i vogël turistik por me vlera të mëdha, ku bukuria e natyrës ndërlidhet me vlerat historike.
Por çfarë duhet vizituar në Bënjë?
Ura mbi përroin e Bënjës është një pikë e rëndësishme turistike, me një pamje mjaft tërheqëse dhe arkitekturore.E ngritur mbi një hark të punuar me shumë fines, ka një gjatësi prej 9.6 m dhe gjërësi 2.3m.
Një pikë tjetër janë pishinat termale të Bënjës janë shumë të rekomanduara nga mjekët për përfitime shëndetësore por gjithashtu shërben pë të “zhytur” veten dhe për të marrë një kënaqësi të pastër si dhe për problemet me dhibjet që ka trupi ynë.
Për çdo vizitor ngelet e pashmangshme shkrepja e blicit të aparatit fotografik mbi këtë urë të stilit otoman, që gërshetohet mësë miri me natyrën, ujrat termale, kanionet e Lngaricës, qetësinë dhe ajrin e pstër që ka kjo zonë.
Ky destinacion ka një numër të madh vizitorësh nga viti në vit, ku disa shkojnë për të soditur natyrën e bukur, ndërsa disa të tjerë për t’u larë në banjat e Bënjës, pasi ato janë mbi të gjitha edhe shumë të rëndësishme për shëndetin.
Nëse keni nevojë pët t’u relaksuar, për t’u shplodhur apo për t’u kujdesur për trupin tuj nëse nuk ndjeheni mirë, Bënja është i vetmi destinacion që ju shërben për t’u relaksuar dhe për ilaç për trupin tuaj. Mos e humbisni këtë destinacion unik këtë sezon turistik/Rreth e Rrotull Shqipërisë.