Pas sekretarit demokrat te marredhenjeve Ndekombetare Gerti Bogdani, tashme eshte nje deputete ajo qe i kujton Lulzim Bashes tradhetine qe u beri kuksianeve duke e lene ne balte protesten e tyre.
Deputetja e PD në Durrës, Fatbardha Kadiu shprehet se sot e gjithë Shqipëria duhet të ishte në Kukës.
Në një postim në rrjetet sociale, Kadiu shkruan se sot duhet të protestojmë kundër një padrejtësie të rëndë.
Duke kujtuar ne menyre indirekte heshtjen e Bashes diten e sotme, deputetja Kadiu thekson se sot duhet të ngrihemi kundër kësaj qeverie, që po u merr shpirtin dhe kërkon t’u mbyllë gojën me forcën e pushtetit shqiptarëve.
“Sot e gjithë Shqipëria në Kukës! Sot çdo qytetar duhet të bojkotojë karburantet e Kastratit në emër të kuksianëve dhe në emër të katër njerëzve që janë akoma në qeli.
Sot duhet të protestojmë kundër një padrejtësie të rëndë! Të protestojmë kundër një qeverie të babëzitur, që zhvat qytetarët me dhunë dhe u merr edhe qindarkat e fundit që u kanë mbetur në xhep, duke taksuar sërish një rrugë të ndërtuar me paratë e qytetarëve e që ka një rëndësi jetike për kombin shqiptar.
Të ngrihemi kundër kësaj qeverie, që po u merr shpirtin dhe kërkon t’u mbyllë gojën me forcën e pushtetit shqiptarëve!”-shkruan Kadiu në postimin e saj.
