Nuk permbajne nervat perfaqesuesit e LSI ne lidhje me largimet e njepasnjeshme te keshilltareve te saj drejt PS.
Lidhur me lajmin që qarkullon sot lidhur me një tjetër “firo” këshilltarësh bashkiakë nga radhët e LSI-së edhe në Bashkinë e Skraparit, e cila ka zgjedhur sot si kryetar të saj socialistin Partizan Gorçe, ka reaguar ashpër deputetja e LSI-së Silvi Caka, e cila ka kërcënuar homologun e saj socialist, deputetin e zgjedhur në zonën e Skraparit, Adnor Shameti.
Sipas Cakës ka qenë Shameti ai i cili i ka kërcënuar këshilltarët që të votojnë kundër orientimit të partisë së tyre.
Shameti ka qenë pronar i universitetit Justinian, një ndër institucionet private të arsimit të lartë që u mbyll në kuadër të reformës së qeverisë “Rama 1”.
“Adnor, janë të rrallë Skraparlinjtë si ty, që ndërrojnë sipas erës së pushtetit dhe interesave personale vetjake.
Ata që ke thirrur dhe kërcënuar sot, nuk janë studentët e Justinianit.
Bëj kujdes Adnor! Skraparlinjtë të çojnë shumë shpejt andej nga ke ardhur!
Edhe diçka: Numri i amzës 486 të thotë gjë? Nëse jo, pyet Partizanin”, – ka qenë komenti i Cakës në Facebook.
