“Deklarata politike si ajo e djeshmja, në mënyrë kategorike jo, madje as nuk duhet t’a çojë nëpër mend e jo më t’i bëjë publike në media, pasi e ndalon Neni 9, paragrafi i 3 i ligjit “Për Organizimin dhe Funksionimin e Prokurorisë në RSH”. Ne te thuhet qartë dhe pastër: “prokurorëve u ndalohet të bëjnë deklarata ose të japin mendime për veprimtarinë e organeve të tjera”, e jo më të sulmojnë Kryeministrin që mban një fjalim politik në një forum të partisë së tij”, shkruan Manja në statusin e tij Facebook pasditen e së martës, në përgjigje të interesit të qytetarëve.
“Kjo konsiderohet si shkelje e betimit të bërë solemnisht “për t’i qëndruar kurdoherë besnik Kushtetutës së Republikës së Shqipërisë, ligjeve në fuqi dhe respektimit të rregullave të etikës profesionale në kryerjen e detyrës” dhe në bazë të Nenit 148/dhe të Kushtetutës së Shqipërisë, prokurori shkarkohet nga Këshilli i Lartë i Prokurorisë për “shkelje të rënda profesionale ose etike që diskretitojnë pozitën dhe figurën e prokurorit gjatë ushtrimit të detyrës”. Respektivisht shkelen Nenet 37, 101/c dhe 102/ë të ligjit “Për Statusin e Gjyqtarëve dhe Prokurorëve në RSH”, thekson Manja.