Kandidati i PD-së në qarkun e Beratit, Lefter Maliqi, i cili pritet që të hënën të marrë mandatin e deputetit nga KQZ-ja, ka hedhur akuza të forta në drejtim të kreut të PD-së, Lulzim Basha.
Nga studio e Emisionit ‘Politika Online’ në Gazeta Shqiptare, Maliqi tha se Lulzim Basha e gënjeu gjatë kohës së çadrës.
“Gjatë kohës së çadrës mblodha njerëz kot, sepse Luli na gënjeu. Këndonte ca këngë e bënte si europian. Më pas bëri marrëveshje me Ramën për të shkatërruar LSI-në dhe do të bashkëqeverisnin. Dhe tani Luli gënjen sikur është parimi i demokracisë”, tha ndër të tjera Lefter Maliqi.
