Mëngjesin e sotëm ka nisur protesta e naftëtarëve të cilët, pak minuta më parë ata kanë përfunduar dhe takimin me ministrin ku kanë dalë me një lajm të mirë.
Ndërkohë, në protestë ka shkuar edhe deputeti i Mallakastrës, Ismet Beqiri për të qetësuar disi situatën.
Por protestuesit nuk e kanë pritur aspak mirë prezencën e tij, madje pati edhe nga ata që tentoi ta shtynte fizikisht. “Haram e paçi votën tonë”, është dëgjuar një prej protestuesëve.
Ndërkohë, deputeti nuk është larguar menjëherë dhe u është drejtuar turmës: “Nuk me provokon dot njeri mua”.
“Situata aktuale, ramë dakord për pagesën, që pagesat kompania do t’i paguajë ditën e nesërme. Edhe unë që po flas jam një nga naftarët, kam punuar me turne edhe unë. Edhe unë po të isha në vendin e tyre, këtu do isha dhe brenda ditës së nesërme nëse kompania nuk bën ekzekutimin e pagave edhe unë si përfaqësues i popullit do jem mes tyre”, u shpreh deputeti i PS, Ismet Beqiri.