Menjëherë pasi kryeministri Rama ka dhënë një urdhër unanim për të gjithë Kabinetin e tij që të dalë në terren për të qenë pranë problematikave të qytetarëve nga përmbytjet, dy prej tyre kanë qenë edhe Nënkryetari i Bashkisë Tiranë Arbri Mazniku, dhe deputetja e Partisë Socialiste Blerina Gjylameti.
Mazniku dhe Gjylameti kanë qenë në njësinë administrative Zall-Herr, në zonën e Urës së Çekrezit. Kjo e fundit një prej zonave më problematike nga përmbytjet në periferi të Tiranës.
Ndër të tjera Gjylameti ka theksuar: “Me gatishmërinë më maksimale se asnjëherë tjetër të mobilizuar pranë qytetarëve. Të bashkëpunojmë së bashku për normalizimin e situatës dhe me mundësitë tona të jemi pranë përpjekjeve të institucioneve shtetërore. Eshte shumë e rëndësishme që situatën ta menaxhojmë pa panik. Telefononi 112 për çdo nevojë”.
Për të gjithë qytetarët është vënë në dispozicion edhe numri i urgjencave 112, numër i cili shërben për të gjithë qytetarët e kryeqytetit.
/Përgatiti: AlpeNews.al
