Sot, për të dytën ditë rresht LSI ka sulmuar dy drejtorët e AZHBR dhe ARRSH. Ndërkohë që pas arrestimit të ish-drejtorit LSI-st të ARSH dhe rrezikut që i kanoset dy ish ministrave Haxhinasto dhe Dervishi të cilët mund të përfundojnë edhe në burg për shkeljet e rënda dhe abuzimet që kanë kryer gjatë periudhës që kane kryer detyrën, sot zbulohet edhe një lidhje tjetër mes LSI dhe agjensisë së pagesave pranë Ministrisë së Bujqësisë.
Jo vetëm që në krye të këtij institucioni për 4 vjet ka qenë një militante e LSI, njëherazi bashkëshortja e deputetit Vangjel Tavo, por edhe vetë gruaja e Endrit Brahimllarit që sot doli në konferencë për shtyp ka qenë drejtoreshë e burimeve njerëzore në AZHBR.
Dhe çeshtja është që Brahimllari nuk i sulmon vetëm sepse LSI i mungojnë këto dy agjensite, por sepse bashkëshortja e Brahimllarit rrezikon minimalisht një gjobë të majme prej 45 milionë lekësh nëse shkeljet që ka kryer kur punonte si drejtoreshë në AZHBR vërtetohen dhe nga organet hetimore.
Burime të Alpenews.al thanë se bashkëshortja e z. Brahimllari prej tre muajsh ka dhënë dorëheqjen nga detyra si shefe e burimeve njerëzore pranë këtij dikasteri dhe pretendon se i ka sqaruar raportet e veta dhe detyrimet ndaj institucioneve kontrolluese të shtetit.
Gjithësesi ankthi i LSI duhet kuptuar drejt. Çdo ditë po u dalin në shesh zullumet e bëra për vite me rradhë.
