Dënohet me 2 vite burg ish-kryeprokurori Adriatik Llalla. Gjykata e Posaçme e Shkallës së Parë për Korrupsionin dhe Krimin e Organizuar, përveç dënimit me burg, ka vendosur që Llallës t’i hiqet për 5 vite e drejta për të ushtruar funksione publike.
Gazetarja Klodiana Lala tha’ se pasuria e tij kalon në favor të shtetit. Bëhet fjalë për 4 sipërfaqe toke, në total 22 mijë metra katrore dhe 1 apartament në Durrës.
Në një lidhje direkte për ‘News24’ gazetarja Lala tha se ish-kryeprokurori akuzohet për deklarim të rremë dhe fshehje të pasurisë, ndërsa theksoi se ky ishte vendim i shkallës së parë.
