Rusia ka shkatërruar rreth 4,500 ndërtesa banimi, 100 ndërmarrje, 400 institucione arsimore dhe 150 institucione mjekësore në Ukrainë, deklaron një ministër i qeverisë ukrainase.
Dëmi i përgjithshëm në të gjithë vendin do të vlerësohet pas përfundimit të luftës dhe heqjes së minave, deklaroi Ministri për Zhvillimin e Komunitetit dhe Territorit Oleksiy Chernyshov.
Sipas vlerësimeve paraprake, dëmet e shkaktuara në Ukraina kanë arritur në dhjetëra miliarda dollarë amerikanë, me shifrat që rriten çdo ditë.
Qeveria ka lehtësuar procedurat për importin e materialeve të ndërtimit. Megjithatë ministri shton se çdo rindërtim duhet të paraprihet nga pastrimi i minave dhe rrënojave.
Ukraina shpreson të përfshijë specialistë vendas dhe të huaj në përpjekjet e rindërtimit.
